MANILA, Philippines — Mabigat na trapiko ang makikita sa ilang bahagi ng North Luzon Expressway (NLEx) nitong Linggo ng hapon dahil sa banggaan sa kalsada, ayon sa NLEx Corporation.
Sa update nito sa trapiko kaninang alas-2 ng hapon, sinabi ng NLEx Corporation na tinatayang 10 hanggang 20 kilometro kada oras (kph) ang traffic build-up sa Marilao hanggang Lingunan, Valenzuela southbound dahil sa isang road crash na sumasakop sa pinakakaliwa at gitnang lane (lanes 1 at 2).
Sinabi ng NLEx Corporation na kasalukuyang naka-deploy ang patrol at emergency response teams sa lugar. Idinagdag nito na bukas ang counterflow mula Meycauayan Interchange hanggang Balintawak.
Samantala, humigit-kumulang 10 hanggang 30 kph ng traffic build-up ang nakikita sa NLEx Harbour link interchange patungong Lingunan, Valenzuela northbound dahil sa naunang road crash at leftmost lane (lane 1) na ginagamit bilang counterflow.
Sa kabilang banda, inaasahan ang mahinang trapiko sa ibang mga lugar ng NLEx – Subic-Clark-Tarlac Expressway – NLEx Connector kabilang ang mga toll plaza at interchange. RNT/MND
