MANILA, Philippines – Magdadala ng maulap na kalangitan na may kalat-kalat na pag-ulan ang Southwest Monsoon o Habagat sa bansa ngayong Martes, Hulyo 8.
Ayon sa PAGASA, ang Metro Manila, Ilocos Region, Cordillera Administrative Region, Central Luzon, CALABARZON, Zamboanga Peninsula, BARMM, Batanes, Occidental Mindoro, Palawan, Antique, Aklan, Sultan Kudarat, at Babuyan Islands ay magkakaroon ng maulap na kalangitan na may kalat-kalat na pag-ulan at thunderstorm dahil sa habagat.
Ang nalalabing bahagi ng bansa naman ay magkakaroon ng bahagyang maulap hanggang sa maulap na kalangitan na may isolated rain showers o thunderstorms dahil pa rin sa habagat. RNT/JGC
