MANILA, Philippines – Nasabat ng awtoridad ang P28 milyong halaga ng mga puslit na sigarilyo sa isinagawang buy-bust operasyon ng Trece Martires Component City Police Station (CPS) at Bureau of Custom (BoC) na nagresulta sa pagkakaaresto ng dalawang katao sa isinagawang buy-bust operation sa Trece Martires City Cavite.
Ayon sa report, kinilala ang mga suspek n sina Al Jamir Alkaris, 32 ng Brgy. Milagrosa, Carmona City, Cavite; at Zhang Pexin alyas “Bayaw” na residente Brgy. Hugo sa Trece Martires City.
Sinabi ng mga pulis na narekober sa mga suspek ang humigit kumulang sa 800 master cases ng iba’t-ibang brand ng ipinuslit na sigarilyo na nagkakahalaga ng P28,000,000.00; P140,000.00 halaga ng buy bust money; P1.4 million na iba’t-ibang denominasyon na pinaniniwalaang ginagamit sa illegal trade, cellphones, itim na sling bag, mga identification card; mga ban transaction, isang susi, isang unit ng kulay puti na Toyota Hi Ace at limang unit na winged container van receipt.
Nakatakdang kasuhan ang mga naarestong suspek. Margie Bautista
