MANILA, Philippines – Pinangunahan ni Pangulong Ferdinand Marcos Jr. noong Biyernes ang paglulunsad ng Bagong Pilipinas EGOVPH Serbisyo Hub.
Ang nasabing hub ay matatagpuan sa Lungsod ng San Juan at naglalayong gawing mas accessible sa publiko ang mga serbisyo ng gobyerno.
Ang Bagong Pilipinas EGOVPH Serbisyo Hub (BPESH) ay naglalayong magbigay ng integrated platform para sa pagpapanatili ng paghahatid ng mahahalagang public assistance at serbisyo na madaling ma-access ng publiko.
Layon din ng hub na magbigay ng oportunidad para sa Pangulo na regular na makipag-ugnayan sa publiko at makakuha ng first-hand account ng kanilang mga karanasan, alalahanin, at pangangailangan.
Maaari rin nitong gawing mas personal at direktang maipabatid sa mamamayan ang hinggil sa trabaho ng gobyerno at ng mahahalagang katuwang nito.
Kabilang sa mga tanggapan at ahensya ng gobyerno na sangkot dito ay ang:
Presidential Communications Office (PCO)
Anti-Red Tape Authority (ARTA)
Department of Agriculture (DA)
Department of Foreign Affairs (DFA)
Department of Health (DOH)
Department of Information and Communications Technology (DICT)
Department of Labor and Employment (DOLE)
Department of Migrant Workers (DMW)
Department of Social Welfare and Development (DSWD)
Department of the Interior and Local Government (DILG)
National Bureau of Investigation (NBI)
Office of the President-Presidential Action Center (OP-PACe)
Philippine Amusement and Gaming Corporation (PAGCOR)
Philippine Charity Sweepstakes Office (PCSO)
Philippine Health Insurance Corporation (PhilHealth)
