MAGLALAGAY lang ng hindi patas na pasanin sa mga working class o uring manggagawa sa mga umuunlad na bansa a ng suhestiyon ng World Health Organization na magpatupad ng “sin taxes” sa sweetened beverages, alak at tobacco para takpan ang budget deficit nito, ayon sa international consumer group.
Sa pamamagitan ng 3 hanggang 35 inisyatiba nito, hinikayat ng WHO ang mga bansang kasapi nito na itaas ang mga presyo ng anoman o lahat ng tatlong produkto ng 50% sa 2035 sa pamamagitan ng pagtaas sa buwis, umano’y para pigilan ang pagkonsumo at makabuo ng kita sa isang pagkakataon kapag ang development aid ay bumababa at lumalago naman ang public debt.
“The WHO proposal to use these taxes to cover its projected $600-million budget shortfall in 2025 is a “war on the working class” and “regressive social engineering,” ayon kay Martin Cullip, international fellow ng The Taxpayers Protection Alliance Consumer Center sa London.
Sa isang Reuters report, nagpahayag din ng pag-aalala ang International Council of Beverages Associations sa patuloy na pagbabalewala ng WHO sa may dekada ng malinaw na ebidensiya na nagpapakita na ang pagbubuwis sa ‘sugary drinks’ o matamis na inumin ay hindi nakapagpabuti sa mga resulta sa kalusugan o nakabawas sa obesity o obesidad sa anumang bansa.
Sa kapareho pa ring Reuters report, inilarawan naman ng Distilled Spirits Council bilang isang “misguided” ang ideya ng WHO na itaas ang buwis bilang paraan na bawasan ang ‘alcohol-related harm’, idagdag pa na hindi nito mapipigilan ang alcohol abuse.
“The WHO proposal would impose an unfair burden on industries and ordinary citizens, especially the most vulnerable in developing countries, and risks further alienating the very public the WHO aims to serve,” ayon kay Jess Arranza, Chairman Emeritus ng Federation of Philippine Industries.
Sang-ayon naman si Arranza na ang tunay na progreso sa public health ay nangangailangan ng ‘accountability, innovative strategies para sa harm reduction, at isang isang tunay na pag-unawa sa socioeconomic challenges, subalit binigyang-diin na “relying on regressive taxation and an outdated, top-down approach” ay hindi magbebenepisyo sa public health.
Ang suhestiyon ng WHO na “sin tax” ay kasunod ng naging hakbang ng Estados Unidos na i- withdraw ang mga bilyon mula sa global health programs ng organisasyon, tinukoy ang kawalan ng kakayahan at mismanagement.
Sinabi pa rin ni Cullip na matapos tukuyin ni WHO Director-General Dr. Tedros Adhanom Ghebreyesus ang pangangailangan para sa reporma, tila baga parang nakahanap ng paraan ang ahensiya para mawala ang ang isyu ng ‘ poor spending practices’ sa pamamagitan ng paglalagay ng karagdagang pasanin sa mga taxpayers.
Binatikos naman ni Cullip ang WHO ” for advocating for a narrow and self-righteous model of public health that has long been discredited, and using a playbook stuck in a prohibitionist past, where imposing sin taxes is it’s only weapon.”
Binigyang diin pa rin ni Cullip na ang mga magdurusa sa kahihinatnan ng panukala ng WHO ay hindi ang mga “the corporations, the policymakers, the NGO elites flying business class to conferences. No, it’s regular people, especially in poorer countries, who will bear the cost.”
Ang pagtawag sa WHO-proposed sin taxes na “regressive by design”, nagbabala si Cullip na ang hakbang ay “hit low-income populations the hardest, many of whom already face enormous barriers to accessing basic healthcare. For someone barely scraping by, a tax on a legal product they enjoy or rely on is not just a health nudge. It’s a slap in the face.”
Samantala, hinikayat naman ni Cullip ang WHO na abandonahin o itigil na ang public health approach na “guided by rigid moralistic views” at sa halip ay tutukan ang ‘practical, evidence-based solutions’ na tunay na makakakapagpabuti sa buhay ng mga tao. Kris Jose
