NETHERLANDS – Naghain na ng reklamo ang 11 manggagawang Filipino sa isang fitness center sa Netherlands sa kanilang Dutch employer dahil sa mga labor violation, sinabi ng Philippine Embassy in The Hague.
Ang mga Pinoy ay nagtatrabaho bilang tagalinis sa Saints and Stars gym sa Amsterdam, ay naghain ng joint complaint kasama ang kanilang mga katrabahong Indonesian sa Netherlands Labor Authority, dahil sa hindi makatarungang working conditions.
“They are also being assisted by pro bono Dutch lawyers in said labor case, and in the planned filing of criminal charges against the owners and managers of the gym company,” saad sa pahayag ng embahada nitong Sabado, Agosto 9.
Nakikipag-ugnayan na ang mga diplomat ng Pilipinas sa mga biktima mula noong Hulyo nang humingi ang mga ito ng tulong.
Ang mga Pinoy ay binigyan ng pansamantalang tirahan sa Amsterdam ng embahada.
Ayon sa mga biktima, pinagtatrabaho sila ng 17 oras kada araw at walang kaukulang mga kama at heater sa iba’t ibang branch ng gym mula Mayo hanggang Hunyo 2025.
“The embassy asistance-to-nationals team are in constant communication with them while investigation against their former employer is being conducted.”
Noong Hulyo 24, naaresto ng Dutch authorities ang accountant ng gym sa hinihinalang pamemeke ng dokumento.
Idinagdag pa na hindi rin kabilang sa listahan ng accredited foreign agencies ng Department of Migrant Workers Affairs sa Manila ang Saints and Stars para sa mga Pinoy na naghahanap ng work contracts sa ibang bansa.
Siniguro naman ng mga opisyal ng pamahalaan sa Netherlands na ito ay “continue to liaise and work with the Netherlands Labour Authority and other Dutch authorities, monitor the progress of the investigation and filed cases, ensure that the complaints are fully addressed, and accountabilities responded to.”
“The Philippine embassy is committed to ensuring the welfare and protection of the rights of Filipinos in the Netherlands, and extends assistance to them regardless of status,” dagdag pa. RNT/JGC
