MANILA, Philippines – Sinabi ni Department of Education (DepEd) Sec. Sonny Angara na humiling ito kay Philippine National Police (PNP) chief, Gen. Nicolas Torre III para sa mas pinaigting na police visibility para labanan ang karahasan sa mga paaralan.
Nitong Biyernes, Agosto 15, ay nag-courtesy visit si Torre kay Angara sa DepEd Main Office sa Pasig City.
Sa social media post nitong Sabado, Agosto 16, sinabi ni Angara na: “To ensure the safety of our students and employees, we asked for heightened police visibility in the school vicinity and the possibility of capacity-building for first responders in the barangay and in schools.”
Sa hiwalay na pahayag, tinalakay naman ng PNP ang five-minute response policy nito kasama ang DepEd.
“[Torre] also tackled initiatives to address bullying and violence in schools, encouraging DepEd to maintain an open line of communication with the PNP,” anang PNP.
Ang pagpupulong nina Angara at Torre ay kasunod ng direktiba ng ahensya sa mga paaralan sa buong bansa na palakasin ang security measures kasunod ng nangyaring pamamaril sa loob mismo ng paaralan sa Nueva Ecija. RNT/JGC
