MANILA, Philippines – Sinabi ng newly-designated acting chief ng Philippine National Police na si Lt. Gen. Jose Melencio Nartatez Jr. na aalisin nito si Brigadier General Jean Fajardo bilang spokesperson.
Sa panayam, sinabi ni Nartatez na ang spokesperson role ay dapat na nagmumula sa Public Information Office (PIO), na pinamumunuan ni Brigadier General Randulf Tuaño.
Si Fajardo ay nauna nang itinalaga ni dating PNP Chief Nicolas Torre III sa Directorate for Comptrollership, habang nagsisilbing spokesperson.
Tinutulungan niya ang Chief PNP sa administrasyon at pangangasiwa ng financial resources.
“Designated siya na spox, eh nandito ang ating PIO. Eh, under naman ‘yon doon dapat. Eh, ‘di parehas kami – ‘yong Office of the Chief PNP, merong spokesperson at merong PIO. Eh, parang iisa lang yata ‘yon,” ani Nartatez.
Wala pang opisyal na kautusan patungkol dito, ngunit inabisuhan ni Nartatez ang media na makipag-ugnayan kay Tuaño para sa mga official statement. RNT/JGC
