ZAMBOANGA, Philippines – Arestado ang dalawang suspek matapos makuhanan ng P340,000.00 na halaga ng shabu sa isinagawang entrapment operation ng Philippine Drug Enforcement Agency-9, nitong Miyerkules sa bayan ng Naga.
Ayon kay Bryan Babang, ng PDEA-9, hindi pinangalanan ang lalaki at babaeng suspek na nahuli sa Purok 1, Barangay Santa Clara, Naga.
Nakuha sa mga suspek ang 50 gramo ng hinihinalang shabu na aabot sa P340,000.00 at ngayon ay nahaharap sa kasong paglabag sa Comprehensive Dangerous Drugs Act of 2002. /Mary Anne Sapico
