MANILA, Philippines – Sinabi noong Biyernes ni Public Works and Highways Secretary Vince Dizon na ang proseso sa blacklisting ng mga construction firm ng mag-asawang kontratista na sina Curlee at Sarah Discaya ay “on going.”
Sinabi ito ni Dizon isang araw matapos magsampa ng kasong kriminal laban kay Sarah Discaya at 24 iba pang personalidad at tatlong kumpanya dahil sa umano’y kickback sa mga flood-control project ng gobyerno sa Bulacan.
“The process of blacklisting Discaya companies is also ongoing,” saad ni Dizon, na sinasabing ang DPWH ay na blacklist na ang Wawao Builders and Syms Construction Trading.
“So again, when it comes out, we will also announce it when we sign it,” dagdag niya.
Sa unang bahagi ng buwang ito, ang mga lisensya ng siyam na kumpanyang pagmamay-ari o kontrolado ni Sarah Discaya ay binawi ng Philippine Contractors Accreditation Board (PCAB).
Sa Board Resolution No. 075 ng PCAB binawian ng lisenysa ang mga kompanyang pagmamay-ari ng mga Discaya na St. Gerrard Construction General Contractor and Development Corp., Alpha and Omega General Contractor And Development Corp., St. Timothy Construction Corp., Amethyst Horizon Builders and General Contractor and Development Corp., St. Matthew General Contractor and Development Corp., Great Pacific Builders and General Contractor Inc., YPR General Contractor and Construction Supply Inc., Way Maker OPC, at Elite General Contractor And Development Corp.
Ang pagbawi ay kasunod ng isang ulat na ang mga kumpanya ng Discayas ay nakakuha ng higit sa P30 bilyon sa mga kontrata sa pagkontrol sa baha ng gobyerno sa loob ng tatlong taon. RNT/MND
