MANILA, Philippines – Nagsanib-pwersa ang Judicial and Bar Council (JBC) at Integrated Bar of the Philippines (IBP) para sa mas malinis na pagpili ng mahistrado.
Ito ay matapos lumagda ng isang kasunduan para palakasin ang proseso ng pagpili ng mga mahistrado at iba pang legal na opisyal sa bansa.
Sa ilalim ng kasunduan, magsasagawa ang IBP ng independent background checks sa mga aplikante upang matiyak na tanging mga may integridad, competence, at impartiality ang mapipili.
Ayon sa JBC, malaking hakbang ito para mas maging transparent at maayos ang pagpili ng mga hukom sa Pilipinas. Jocelyn Tabangcura-Domenden
