MANILA, Philippines – Ipinahayag nina Senador Jinggoy Estrada at Joel Villanueva nitong Lunes, Setyembre 15, na handa silang isuko ang bank secrecy at buksan ang kanilang mga account sa imbestigasyon kaugnay ng anomalya sa flood control projects.
Nauna nang inakusahan ng dating DPWH assistant engineer na si Brice Hernandez ang dalawang senador na umano’y tumanggap ng 30% kickback mula sa mga proyekto.
Mariing itinanggi ni Estrada ang paratang at tinawag si Hernandez na “habitual liar,” ngunit iginiit: “I am open to any investigation… I am willing to sign any waiver to open my bank accounts.”
Ayon naman kay Villanueva, “definitely” bukas din siya na gawin ang parehong hakbang. RNT
