MANILA, Philippines – Labis na ikinagalak ng Armed Forces of the Philippines (AFP) nitong Lunes ang pagdating ng pinakabagong guided missile frigate ng Philippine Navy, ang BRP Diego Silang (FFG-07), sa Naval Operating Base sa Subic, Zambales.
Sa isang pahayag, sinabi ng AFP na ang kaganapan ay pinangunahan nina Chief of Staff General Romeo Brawner Jr., Philippine Navy head Vice Admiral Jose Ma. Ambrosio Ezpeleta, at Captain John Percie Alcos, ang commanding officer ng Diego Silang.
Kaugnay nito, sa kanyang talumpati, binigyang-diin ni Brawner ang simboliko at estratehikong kahalagahan ng pinakabagong karagdagan sa modernizing fleet ng Pilipinas.
Para kay Brawner, ang bagong frigate ay patunay sa lumalagong kakayahan ng Philippine Navy at isang malinaw na senyales ng desisyon ng AFP na palakasin ang maritime defense posture nito.
“Samantala, ang BRP Diego Silang (FFG-07) ay simbolo ng determinasyon ng ating bansa na ipagtanggol kung ano ang nararapat sa atin, manindigan sa harap ng mga hamon, at ipakita ang ating kahandaang pangalagaan ang interes ng ating mga tao,” sabi ni Brawner.
Ang Diego Silang ay ang pangalawa sa Miguel Malvar-class guided missile frigates na itinayo ng HD Hyundai Heavy Industries ng South Korea para sa Philippine Navy.
