CAGAYAN DE ORO CITY, Philippines – Kinantahan ng mga nagpoprotesta na kabilang sa grupong Promotion of Church People’s Response at Union of People’s Lawyers in Mindanao (UPLM) ang mamamahayag na si Kara David sa isang rally dito noong Biyernes sa harap ng press freedom monument sa provincial capitol grounds. Kumanta ang mga raliyista sa CDO para sa viral birthday wish ni Kara David.
Ayon kay UPLM Secretary General Beverly Selim-Musni, ang birthday song para kay David ay sinadya bilang isang mabuting hangarin “to make her (birthday) wish come true.”
Una nang pinamunuan ni Musni ang pag-awit ng isang birthday song para kay David bago naglunsad ng mahabang litanya ng mga gawi sa katiwalian sa gobyerno, na nagpapaalala tungkol sa malalaking tipak ng pampublikong pondo na nawala sa grafth “by a syndicate of contractors, people in the bureaucracy and legislators.”
“We must hold them to account,” saad ni Musni.
Ang hiling ni David para sa kanyang ika-52 na kaarawan na “mamatay ang lahat ng corrupt (opisyal)” ay naging viral sa online dahil sa patuloy na pagsisiyasat sa Kamara at Senado sa mga flood control projects.
“Let us act and prevent any more corruption from ruining our country,” ani Musni. “We hope Kara David will no longer have the same wish on her next birthday,” dagdag niya. RNT/MND
