MANILA, Philippines – Iniulat ng National Disaster Risk Reduction and Management Council (NDRRMC) nitong Martes na isa ang namatay at pito ang nasugatan sa pagguho ng lupa sa Tuba, Benguet bunsod ng Super Typhoon Nando.
Ayon sa ahensya, mahigit 43,000 pamilya o 159,000 katao ang naapektuhan.
Alas-5 ng umaga, 24 kalsada at walong tulay ang hindi pa madaanan, habang 32 pantalan ang hindi pa rin makabiyahe dahil sa masamang panahon.
Nananatiling lubog sa baha ang 29 barangay sa iba’t ibang lugar. Santi Celario
