Ken Chan, balitang napanot na!

Manila, Philippines – Wala sa Amerika kundi sa isang bansa sa Asya.

Ito ang kinumpirma ng isang source sa isang miyembro ng working press.

Wanted dito ang dating Kapuso actor dahil sa large-scale estafa.

Natakasan ni Ken ang isinilbing warrant of arrest sa kanya sa kanilang tahanan bunsod ng demandang isinampa ng mga dating kasosyo sa negosyo.

Already in an undisclosed part in Asia, balitang to be able to survive ay kahit anong raket na maaaring pagkakitaan ay sinusunggaban ni Ken.

Nagkaroon din daw ng malaking pagbabago ito physically.

Hindi na raw kasi ito kasingkisig tulad noong aktibo siya sa showbiz.

Nalalagas na rin daw ang buhok nito o napapanot–indikasyon na apektado ito sa kinakaharap na problema.

Walang makapagsabi kung kailan babalik ng bansa si Ken, dahil aware naman daw ito na diretso kulungan ang bagsak niya.

Noong kasagsagan ng career ni Ken sa showbiz ay suportado niya ang kanyang pamilya until he got himself involved in estafa. Ronnie Carrasco III