MANILA, Philippines – Nasa 55 na ang kabuuang bilang ng mga contractor na nag-donate sa kampanya ng Eleksyon 2022 bets, sinabi ng Commission on Elections (Comelec) nitong Huwebes, Setyembre 25.
Muling iginiit ni Comelec chairperson George Erwin Garcia na iniimbestigahan ng poll body ang mga kandidatong tumakbo para sa 2022 polls, kabilang ang presidential at vice-presidential bets sa posibleng iligal na campaign donations.
Ayon kay Garcia, kasalukuyan ang imbestigasyon sa lahat ng posisyon mula presidente, vice-president, senators, partylists, district congressmen kasama ang governors at vice governors.
Nauna nang sinabi ng Comelec na sumulat ito sa DPWH para humiling ng mga sertipikasyon para matukoy kung ang 52 na nag-donate sa mga kandidato sa 2022 polls ay nakikibahagi sa mga kontrata ng gobyerno. Gayunpaman, hindi pa sumasagot ang ahensya.
Samantala, sinabi ni Garcia na hihilingin ng Comelec kay Senator Chiz Escudero na humarap sa komisyon at ipaliwanag ang P30 milyong campaign donation na natanggap niya mula sa pangulo ng Centerways Construction and Development Inc. na si Lawrence Lubiano.
Sa pamamagitan ng kanyang legal counsel nakipagpulong si Lubiano sa Comelec PFAD noong Miyerkules, Setyembre 24, kasunod ng pagpapalabas ng show-cause order (SCO) na humihiling sa kanya na ipaliwanag ang kanyang milyon-milyong halaga ng campaign donation kay Escudero at ipagtanggol kung bakit hindi siya dapat kasuhan ng election offense dahil sa paglabag sa Section 95 ng Omnibus Election Code (OEC). Jocelyn Tabangcura-Domenden
