Proposed 2026 budget ng OVP lusot agad sa Senate panel

MANILA, Philippines – Inaprubahan agad ng Senate finance subcommittee nitong Lunes, Setyembre 29 ang proposed P902.895 million budget ng Office of the Vice President para sa fiscal year 2026 nang wala pang isang oras.

Nag-mosyon si Senate Majority Leader Juan Miguel “Migz” Zubiri na igawad ang parliamentary courtesy sa OVP, at sinabing ang 2026 proposed budget ay “lean and mean” na.

Sinegundahan ito ni Senador Ronald “Bato” Dela Rosa matapos na magpahayag ng kanilang suporta ang iba pang mga senador sa budget ng OVP.

Inaprubahan ni Senate finance committee chairman Sherwin Gatchalian ang mosyon matapos walang tumutol na senador.

Personal na dumalo si Vice President Sara Duterte sa deliberasyon ng badyet sa Senado para idepensa ang panukalang budget ng kanyang opisina.

Walang hinihingi na confidential fund ang OVP para sa susunod na taon. RNT/JGC