2 suspek sa Barayuga-slay, kusang sumuko sa NBI

INIHARAP ni National Bureau of Investigation Director Jaime Santiago sa media ang boluntaryong pagsuko ng dalawang suspek sa pagpatay kay Atty. Wesley Barayuga noong 2020.

Si Barayuga, dating Kalihim ng Lupon ng PCSO at retiradong opisyal ng pulisya, ay pinagbabaril ng mga armadong lalaking sakay ng motorsiklo sa Mandaluyong City, habang sugatan naman ang kanyang drayber.

Ang mga sumukong suspek ay sina Nelson Mariano at Lt. Col. Santie Mendoza. Dumating ang kanilang pagsuko matapos ang pinagsamang imbestigasyon ng DOJ, NBI, at PNP, at mga testimonya sa Kamara de Representante na nag-uugnay umano sa ilang matataas na opisyal bilang utak ng krimen.

Pinuri ni Santiago ang NBI-OTCD at PNP-CIDG sa kanilang pagsisikap, at binigyang-diin ang kahalagahan ng pagtutulungan sa paglutas ng mga high-profile na kaso. RNT