MANILA, Philippines – Magpapatuloy ang mga serbisyo sa visa at pasaporte kahit nagsara ang US Federal Government — US Embassy Manila
Magpapatuloy ang naka-iskedyul na mga serbisyo sa visa at pasaporte kahit na nagsara ang United States Federal Government matapos mabigo ang Senado nito na magpasa ng spending bill, ayon sa US Embassy sa Maynila.
Sinabi rin ng embahada na ang kanilang social media platforms ay hindi maa-update hanggang sa magbalik ang normal na operasyon ng gobyerno.
“At this time, scheduled passport and visa services in the United States and at US embassies and consulates overseas will continue during the lapse in appropriations as the situation permits. For information on our services and operating status, visit travel.state.gov,” ayon sa embahada sa isang pahayag.
“Because of the lapse in appropriations, the U.S. Embassy’s Facebook, X, and Instagram accounts will not be updated regularly until full operations resume, with the exception of urgent safety and security information,” dagdag pa nito.
Maraming tanggapan ng gobyerno ang inaasahang magsasara, pansamantala o permanente, na makakaapekto sa humigit-kumulang 750,000 manggagawang pederal na ilalagay sa bakasyon.
Ang lapse sa pondo ay nangyari matapos ang mga linggong pagtatalo ng Democrats at Republicans tungkol sa mga pinagtatalunang programa tulad ng health care.
