MANILA, Philippines – Nag-iwan ng P3 bilyong halaga ng pinsala sa imprastruktura ang yumanig na magnitude 6.9 na lindol sa Cebu.
Pininsala ng lindol ang mga kalsada, tulay, pantalan, tirahan maging ang mga makasaysayang simbahan.
Maaari pang tumaas ang halaga ng pinsala kasabay ng pagsasagawa ng sariling assessment ng Department of Public Works and Highways at Office of Civil Defense ayon kay Cebu province information officer Ainjeliz Orong sa panayam ng ANC.
Hindi pa kasama sa naturang bilang ang pinsala ng lindol sa sektor ng agrikultura, ani Orong.
Nakatanggap na ang Cebu ng inisyal na cash donation na umaabot sa P380,000 at iba pang in-kind donations.
Bagamat may sapat na relief goods ang probinsya para sa mga apektadong pamilya, bumabagal ang distribusyon nito dahil sa pagbiyahe mula sa Cebu province command center patungo sa mga munisipalidad, maging ang epekto ng lindol sa local government units.
“Some are still in drop-off points. I believe that it is manpower as well because some of the LGU personnel are still affected. That is the reason why we hope to take over, the capital will take over in collaboration with the national government and private institutions,” anang opisyal.
“And also, we cannot bring as many volunteers as we have because, as compared to typhoon, this is an earthquake and until now, there is still continuing aftershocks, so volunteers would have to be trained before we would be able to bring them in the area,” dagdag pa.
Nangangailangan ang probinsya ng malinis na inuming tubig at mas marami pang tent bilang temporary shelter ng mga evacuee.
Nitong Huwebes, Oktubre 2 ay nangako si Pangulong Ferdinand Marcos Jr. ng 225 milyong pondo para sa recovery efforts at “tent city” para sa mga evacuee.
Samantala, humingi na rin ng tulong si Cebu governor Pamela Baricuatro kay Marcos para maibalik ang suplay ng kuryente sa probinsya.
“During the meeting yesterday with the president, the governor expressed her hope in the next five days, everything would be functional. First priority is power. Now, there are still a lot of areas that don’t have power and without power, we won’t be able to do a lot.”
Tututukan ng pamahalaan ng Cebu ang rehabilitasyon sa susunod na anim na buwan, at prayoridad dito ang mga ospital.
“That’s one of the structures that the government expressed to the president that they are hoping to get immediate help for because the hospital in Bogo City is one of the biggest hospitals in that area, in Northern Cebu,” sinabi pa ni Orong.
Inatasan na ni DPWH Secretary Vince Dizon ang lahat ng building officials at city at municipal engineers na suriin ang lahat ng mga apektadong istruktura. RNT/JGC
