MANILA, Philippines – Pansamantalang sarado ang lane sa southbound direction ng Mindanao Avenue malapit sa Tandang Sora Avenue sa Quezon City.
Sa abiso, sinabi ng Quezon City government na ang lane closure “is due to concrete pouring being carried out in the area.”
Ang aktibidad ay bahagi ng konstruksyon ng Tandang Sora Station ng Metro Manila Subway Project.
“The activity is expected to end tomorrow afternoon, October 5, 2025 (Sunday),” ayon sa QC government.
Ang mga motorista ay inabisuhan na maghanap ng alternatibong ruta habang nagpapatuloy ang concrete pouring.
Siniguro naman ng lokal na pamahalaan na may mga tauhan mula sa Quezon City Traffic and Transport Management Department at Metropolitan Manila Development Authority ang nakaabang para umagapay sa traffic flow sa nasabing lugar. RNT/JGC
