MANILA, Philippines – Dadalo si Pangulong Ferdinand Marcos Jr. sa 32nd Asia-Pacific Economic Cooperation (APEC) Summit sa South Korea ngayong linggo, sinabi ng Department of Foreign Affairs (DFA) nitong Martes, Oktubre 28.
Ayon kay DFA spokesperson Angelica Escalona, si Marcos ay nasa South Korea mula Oktubre 30 hanggang Nobyembre 2.
Isusulong ng Pangulo ang economic interest ng Pilipinas maging ang mas matibay na ugnayan sa mga miyembro ng APEC.
Inaasahan din ang apat na outcome documents sa naturang Summit, sinabi pa ni Escalona.
Sa kasalukuyan ay nasa Kuala Lumpur, Malaysia si Pangulong Marcos para sa 47th Association of Southeast Asian Nations (ASEAN) Summit. RNT/JGC
