MANILA, Philippines – Inianunsyo ng Commission on Elections (Comelec) ang suspensyon ng lahat ng voter registration mula tanghali ng Oktubre 30 hanggang Nobyembre 2 bilang paggunita sa Undas 2025.
“Kasama ng buong bansa, iginagalang natin ang alaala ng mga yumao na. Sa pamamagitan ng panalangin, pag-aalay, at pagninilay-nilay, pinapanatili nating buhay ang kanilang espiritu sa ating mga puso. Nawa’y makatagpo ng kapayapaan at liwanag ang kanilang mga kaluluwa,” sabi ng Comelec.
Nagpatuloy ang voter registration para sa 2026 Barangay at Sangguniang Kabataan Elections (BSKE) mula Oktubre 20 at tatagal hanggang Mayo 18, 2026, maliban sa Bangsamoro kung saan ito ay ipagpapatuloy pagkatapos ng parliamentary elections.
Maaaring magparehistro para sa bagong tala, paglilipat, pagbabago, reaktibasyon, o reinstatement sa mga opisina ng Comelec o satellite registration sites.
Mula Oktubre 20 hanggang 26, 144,907 katao ang nagparehistro, 130,720 para sa barangay at 14,187 para sa SK elections. RNT
