MANILA, Philippines – INANUNSIYO ng Bureau of Customs-Port of Manila (BOC-POM) na magsasagawa sila ng public auction sa Nobyembre 17 sa pamamagitan ng “sealed bidding” para sa pitong luxury vehicle na nakumpiska mula sa mag-asawang Discaya.
Batay sa social media post ng BOC, kabilang sa mga sasakyang isusubasta ang Toyota Tundra (2022), Toyota Sequoia (2023), Rolls Royce Cullinan (2023), Mercedes-Benz G63 AMG (2022), Mercedes-Benz G500 (2019, Brabus), Lincoln Navigator L (2021), at Bentley Bentayga (2021).
Gaganapin ang nasabing auction dakong alas-10 ng umaga sa Situation Room ng Office of the Commissioner (OCOM) Building, Bureau of Customs sa Port Area, Manila. Inaanyayahan ng BOC ang mga interesadong bidder na lumahok sa auction.
Nabatid na isasagawa ang public viewing sa Nobyembre 10-12 sa PUC Parking Area sa loob ng OCOM Grounds.
Para sa mga detalye ng pagpaparehistro at kumpletong alituntunin, pinapayuhan ang publiko na bisitahin ang Official Auction Notice sa https://customs.gov.ph/notice-of-public-auction-port-of-manila-17-november-2025/. Jay Reyes
