MANILA, Philippines – Inaresto ang pitong indibidwal at nasamsam ang P21 milyon halaga ng smuggled na sigarilyo sa isang maritime operation sa Zamboanga City, ayon sa Philippine National Police (PNP) nitong Huwebes.
Ayon kay acting PNP chief Lt. Gen. Jose Melencio Nartatez Jr., naabutan ng mga awtoridad ang dalawang motorized na bangkang “Jungkung” malapit sa Sta. Cruz Island, kung saan natuklasan ang 300 master cases ng kontrabandong sigarilyo.
Dinala ang mga suspek sa Zamboanga City Police Station 11 para sa dokumentasyon.
“Ang matagumpay na operasyon na ito ay malinaw na patunay ng disiplina, alertness, at teamwork ng ating PNP personnel,” sabi ni Nartatez.
“Ang kanilang sama-samang pagsisikap ay pumigil sa ilegal na transportasyon ng milyun-milyong halaga ng smuggled goods — pinoprotektahan ang ating mga komunidad at pinapanatili ang integridad ng ating mga hangganan.” RNT
