MANILA, Philippines – Iniulat ng Department of Public Works and Highways (DPWH) na 5 national roads at ilang tulay ang nananatiling hindi madaanan dahil sa epekto ng Super Typhoon Uwan.
Ayon sa isang advisory na inilabas nitong Biyernes ng umaga, ang mga sumusunod na kalsada at tulay ay nananatiling hindi madadaanan:
–Itawes Overflow Bridge 1 sa Piat, Cagayan (scoured approach)
Alternate route: Aquino Bridge, Lakambini
–Itawes Overflow Bridge 2 sa Tuao, Cagayan (scoured approach)
Alternate route: Aquino Bridge, Lakambini
–Cabagan – Sta. Maria Overflow Bridge sa Cabagan at Sta. Maria, Isabela (high-water elevation)
Alternate route: Sta. Maria-Cabagan-Sto. Tomas at Maharlika Highway
–Nueva Vizcaya-Pangasinan Road sa Sta. Fe, Nueva Vizcaya (collapsed road)
–Bambang-Kasibu-Solano Road sa Bambang, Nueva Vizcaya (fallen rocks and debris, and a damaged box culvert)
“Warning signs were already installed, and assets were already deployed in the affected areas. Continuous monitoring is also being undertaken,” ayon sa DPWH.
Nauna rito, iniulat ng National Disaster Risk Reduction and Management Council (NDRRMC) na mayroong 625 na apektadong bahagi ng kalsada, 277 dito ay hindi madaanan.
Mayroon ding 61 na hindi madaanang tulay mula sa 78 naiulat na nasira.
Umabot din sa kabuuang P126,589,000 ang halaga ng imprastraktura. RNT/MND
