MANILA, Philippines — Pinagtanggol ng Bagong Alyansang Makabayan (Bayan) noong Nob. 25 ang kanilang panawagan na magbitiw sina Pangulong Ferdinand Marcos Jr. at Pangalawang Pangulo Sara Duterte kung mawalan sila ng tiwala ng publiko.
Ayon kay Bayan Secretary-General Raymond Palatino, ang pagbibitiw ng pangulo at bise-pangulo ay kinikilala ng Artikulo VII, Seksyon 8 ng 1987 Konstitusyon at nagti-trigger ng constitutional line of succession.
Binanggit niya na ang panawagan ay hindi labag sa batas at isang mapayapa at maayos na paraan ng pagbabago ng liderato.
Kritikal si Palatino sa gobyerno kaugnay ng flood control scandal at umano’y budget insertions, at ipinaliwanag na ang National Transition Council ay civilian-led, limitado sa oras, at hindi junta.
“Ang panawagan para sa pagbibitiw at transition ay hindi destabilization,” aniya, bilang proteksyon laban sa korapsyon, dinastikong pamumuno, at sistemikong pagkabulok. Dave Baluyot
