MANILA, Philippines — Inakusahan ni dating Ako Bicol Rep. Elizaldy “Zaldy” Co ang First Lady Liza Araneta-Marcos na pinipigilan umano ang congressional inquiries sa tumataas na presyo ng pagkain upang protektahan ang kanyang kapatid na si Martin Araneta, na nasangkot sa 2022 onion price crisis.
Sa kanyang pinakabagong “tell-all” video, sinabi ni Co na ang first lady ay “personally intervened” sa 2022 House investigation sa presyo ng sibuyas at sa 2024 inquiry sa presyo ng bigas.
“This may be painful to hear, but this is the truth. The first family itself is involved in these corrupt systems. From the president, to the first lady, they are the ones who dictate, control and benefit from transactions that should have been for the benefit of the people,” ani Co.
Ayon kay Co, noong 2022, tinawagan ni Liza Marcos si dating Speaker Martin Romualdez matapos lumabas ang pangalan ng kanyang kapatid bilang pangunahing sangkot.
Si Martin Araneta ay inakusahan ng pakikipagsabwatan kay Michael Ma ng China-Philippine United Enterprises para sa smuggling ng sibuyas at pagmamanipula ng presyo.
“That’s why the inquiry did not continue, and nobody was punished. Because, as it turns out, the brother of the first lady controls the importation of onions,” dagdag ni Co.
Sinabi rin niya na noong 2024, isang inquiry sa bigas ay pinatigil din matapos ma-implicate ang first lady sa isang confidential report.
Ayon kay Co, humiling si Agriculture Secretary Francisco Tiu-Laurel na itigil ang imbestigasyon, at tinawagan ni Sandro Marcos, anak ng pangulo, si Romualdez “as instructed by the president” para pigilan ang inquiry.
Ito ang pinakabagong episode sa serye ng mga video ni Co na nag-aakusasyon sa graft at budget insertions ng Pangulong Marcos Jr., Romualdez, at iba pang opisyal, kabilang ang alegasyon na gumawa si Rep. Sandro Marcos ng P50 bilyon na insertions mula 2023 hanggang 2025. RNT
