MANILA, Philippines – Inatasan ni Philippine National Police acting chief Lt. Gen. Jose Melencio Nartatez Jr. ang manhunt operation laban sa mga suspek na pumatay kay Barangay Tres de Mayo Captain Oscar “Dodong” Bucol Jr. sa Digos City, Davao del Sur habang nasa Facebook Live siya noong Nobyembre 25.
Kinilala ng mga imbestigador ang ilang persons of interest mula sa mga post ng biktima sa social media.
“We are committed to bringing justice to the victim and his family. I have ordered our operatives to pursue every lead and exhaust all means to locate and arrest those responsible,” ayon kay Nartatez.
May inihaing P2-milyong reward para sa impormasyon na magdudulot sa pag-aresto ng mga suspek.
Pinakilos na ang mga police unit sa Davao del Sur at kalapit na probinsya, at pinaigting ang seguridad sa lungsod.
Hinihikayat ang mga residente na agad iulat ang anumang mahahalagang impormasyon. Santi Celario
