ANKARA – Sinabi ng mga awtoridad sa Hong Kong na ang substandard na netting sa mga gusali ay maaaring naging sanhi ng nakamamatay na sunog sa Tai Po na kumitil sa 151 katao.
Ayon kay Chief Secretary Eric Chan Kwok-ki, ang ilang net ay fire-resistant habang ang iba ay hindi.
“Samples which failed the requirements were found in spots difficult to reach, where firefighters had to climb out, to avoid detection from authorities,” ani niya. Pitong mula sa 20 samples mula sa apat na gusali ay hindi pumasa sa fire-retardant standards.
Ang walong-block na residential estate ay nireno mula Hulyo noong nakaraang taon at balot sa scaffolding at green netting.
Ang sunog, ang pinakamalalang sunog sa Hong Kong sa mga nakalipas na dekada, ay tumagal ng 43 oras, sinunog ang pitong gusali at mahigit 1,900 na apartment. Ang complex ay tinatayang may higit 4,000 residente.
Hanggang ngayon, 14 katao kabilang ang main contractor at mga subcontractor ang naaresto.
Limang bagong bangkay ang natagpuan nitong Lunes, itinaas ang bilang ng namatay sa 151, habang 79 ang nasugatan. Humigit-kumulang 40 residente ang nawawala, at 100 kaso ay tinaguriang hindi matunton dahil sa kakulangan ng impormasyon.
Dahil sa insidente, naglabas ang Hong Kong ng Level 5 fire alarm, ang pinakamataas sa limang-tier system, sa unang pagkakataon sa loob ng 17 taon. RNT
