MANILA, Philippines — Lumalakas ang puwersa ni dating Senador Grace Poe sa pinakabagong survey ng WR Numero Research kaugnay ng posibleng labanan sa pagka-bise presidente sa 2028. Inilabas ngayong umaga sa isang livestream ang resulta na nagpapakitang nananatiling dikit ang kompetisyon at marami pang botante ang hindi desidido.
Si Poe ay nakapagtala ng 8.4%, katumbas ng +2 na pagtaas, isa sa pinakamalalaking pag-angat sa listahan. Dahil dito, umakyat siya sa matatag na ikalawang puwesto, kapantay ni Sen. Robin Padilla (8.5%, +1), at kasunod ni Sen. Bong Go (19.1%, +3 mula Agosto 2025).
Ipinapakita ng sarbey ang patuloy na pagtitiwala ng publiko at posibleng mas mataas na name recall para kay Poe habang papalapit ang kampanya.
Kasama rin sa listahan:
•Sen. Bam Aquino (7.2%, –1)
•Isko Domagoso (6.8%, bagong pasok)
•Sen. Kiko Pangilinan (5%, bagong pasok)
•Sen. Imee Marcos (4.3%, –0.2)
Nananatiling mataas ang bilang ng mga undecided voters: 30.6% (+7).
SUPORTA AYON SA POLITICAL BLOC
•Pro-Marcos: Poe (18%) — mas mataas kina Go at Marcos
•Pro-Duterte: Go (41%), Padilla (17%), Pangilinan (5%), Marcos (4%)
•Oposisyon: Aquino (23%), Pangilinan (11%), Poe at Hontiveros (8%)
•Independent: Poe at Isko Moreno tabla sa 10%, Aquino at Go may tig-8%
REGIONAL RESULTS
•Metro Manila: Go (36%), Aquino (9%), Poe at Domagoso (8% bawat isa)
•Luzon (labas NCR): Poe at Go tabla sa 12%
•Visayas: Go (17%), Padilla (13%), Poe (8%), Aquino (7%)
•Mindanao: Go (40%), Padilla (12%), Marcos (3%), Pangilinan (3%)
Bagama’t nangunguna pa rin si Go sa survey, kapansin-pansin ang bilis ng pag-akyat ni Poe, na nagbibigay ng senyales na mas lalong magiging masigla at bukas ang labanan sa mga susunod na buwan.
