MANILA, Philippines – Humiling ng karagdagang tauhan ang Office of the Ombudsman habang ipinagpapatuloy ang imbestigasyon at kaso laban sa mga umano’y sangkot sa anomalisadong flood control projects, ayon kay Assistant Ombudsman Mico Clavano noong Biyernes.
Itinuro ni Clavano na kinakailangan ng mas maraming lawyers, engineers, at CPA lawyers upang mapalakas ang kapasidad ng Ombudsman sa pagresolba at pag-iimbestiga ng mga kaso.
Ang Independent Commission on Infrastructure (ICI), na itinatag ni President Ferdinand Marcos Jr., ay nagsisiyasat sa mga anomalya sa flood control projects, ngunit walang kapangyarihan ang ICI na magpataw ng contempt kung ang mga in-subpoena o inimbitahang dumalo sa hearings ay hindi sumipot.
Dagdag pa niya, palalakasin din ng Ombudsman ang capacity building at training programs para sa mga bagong tauhan.
Ipinaliwanag din niya na ang anunsyo tungkol sa winding down ng ICI sa loob ng dalawang buwan ay tugon sa mga kritiko na nagsasabing nagiging dagdag lang itong layer sa pagpapatupad ng batas.
“The Ombudsman appreciates the work of the ICI, considering that there is not enough resources in this country to go after all the projects and all the proponents and all those officials that are involved. And [at the same time] the Office of the Ombudsman’s pronouncements were in reaction to those critics who say that the ICI is a duplicitous body.”
Sinabi ni dating Public Works Secretary Babes Singson, commissioner ng ICI, na maaaring 1,200 katao ang dapat kasuhan kaugnay ng flood control mess.
Umalis si Singson sa ICI dahil sa kakulangan ng resources ng komisyon. RNT/MND
