MANILA, Philippines – Patay ang suspek sa pagpatay ng isang school principal sa Maguindanao del Sur noong Hunyo sa isinagawang joint police at military operation sa Datu Abdullah Sangki ng nasabing probinsya nitong Linggo, Disyembre 14.
Napatay si Norodin Andig, na may warrants of arrest sa multiple murder at attempted murder.
“Andig, a resident of Rajah Buayan, Maguindanao del Sur, opened fire on approaching lawmen during the operation, triggering a brief firefight,” sinabi ni Brig. Gen. Edgar Catu, commander ng Army 601st Infantry Brigade.
Si Andig ay sangkot sa pagpatay kay Alamansa Ambiton, principal ng Sapakan Central Elementary School noong Hunyo 10, 2025 sa Barangay Sapakan, Rajah Buayan.
Iniuugnay din ng military intelligence information si Andig sa pagpatay sa apat iba pa sa Rajah Buayan ngayong taon at noong 2024.
“It was the result of a coordinated law enforcement operation between police and military forces in Maguindanao del Sur,” ani Catu.
Pinuri naman ni Maj. Gen. Jose Vladimir R. Cagara, Army 6th Infantry Division commander, ang operating units at suporta ng mga sibilyan sa operasyon sa Rajah Buayan. RNT/JGC
