MANILA, Philippines – Ayon sa Department of Migrant Workers Bicol (DMW-5), halos 80 na repatriated OFWs mula sa rehiyon ang natulungan ngayong taon. Kabilang dito ang 28 na naibalik na ang mga labi.
Sinabi ni Merry Christ Joely Eguia, DMW-5 information and liaison officer, na nakatanggap ang mga OFWs ng tulong sa paliparan at pinansiyal na suporta mula sa Agarang Kalinga at Saklolo Para Sa Mga OFW Nangangailangan (AKSYON) Fund. Karamihan sa mga OFWs ay mula sa Saudi Arabia, UAE, Kuwait, Qatar, at Oman.
Ayon sa AKSYON Fund, ang tulong pinansiyal ay nag-iiba depende sa sitwasyon. Sa kaso ng pagkamatay ng OFW, ang karapat-dapat na kamag-anak ay makakatanggap ng P100,000 bilang death assistance. Bukod sa pinansiyal na tulong, nagbibigay din ang DMW ng reintegration services gaya ng financial literacy programs, skills training, psychosocial support, at referral sa mga partner agencies. RNT/MND
