MANILA, Philippines – Patay ang 53-anyos na babae habang sugatan ang lima iba pang pasahero ng Mitsubishi Montero na bumulusok sa 20 metrong lalim na bangin sa Bontoc–Mainit provincial road sa Sitio Aratey, Guina-ang, Bontoc, Mountain Province, nitong Linggo ng gabi, Disyembre 28.
Kinilala ang nasawi na si Cherylina Geston Dalilis, drayber at residente ng Sitio Bayabas, Pico, La Trinidad, Benguet.
Natagpuan ng mga rumesponde ang biktima sa gilid ng wasak na sasakyan at idineklarang dead on the spot dahil sa pinsala sa ulo.
Ang mga sugatang pasahero naman ay kinilalang sina Eunice Geston-Andaya, Eunark Geston Andaya, Destiny Geston Dalilis, Cleijter Geston Andaya, at Ken Shane Kewan.
