MANILA, Philippines – Hiniling ng Partido Demokratiko Pilipino-Lakas ng Bayan (PDP-Laban) nitong Sabado, Oktubre 31, ang Korte Suprema sa pamamagitan ng isang liham para resolbahin ang mga pending na petisyon sangkot sina dating Pangulong Rodrigo Duterte at Senador Ronald “Bato” dela Rosa.
Naghain ng petition for habeas corpus ang anak ni Duterte sa SC para sa kanyang agarang paglaya mula sa kustodiya ng International Criminal Court (ICC) noong Marso 2025.
Nakatakdang simulan ang paglilitis ni Duterte sa Nobyembre 30 sa The Hague, Netherlands.
Muling naghain naman ng manifestation ang legal counsel ni Dela Rosa noong Miyerkules para baliktarin ang naunang ruling at bigyan ng proteksyon ang senador mula sa anumang tangka na arestuhin ito o isuko sa ICC.
“This letter is not a pleading. These are public-interest cases, on which every citizen may petition the government for redress of grievances,” giit ng PDP-Laban.
“Our request is a single one: that the Ccurt decide these cases, and decide them promptly,” dagdag pa.
Si Duterte ay nahaharap sa reklamong crimes against humanity sa ICC kaugnay sa madugong war on drugs ng administrasyon nito.
Samantala, si Dela Rosa naman na nagtatago ay wanted din matapos tukuying co-prepator ng ICC sa tungkulin nito bilang hepe ng PNP ng Duterte administration.
Idineklara rin ito ng Department of the Interior and Local Government na armado at mapanganib, at nag-alok pa ng P50 milyong pabuya sa ikaaaresto nito.
Ayon sa PDP-Laban, sa ilalim ng batas ng Pilipinas, ang warrant of arrest ay maaari lamang iisyu ng lokal na korte sa ilalim ng sapat na batayan na tinukoy ng husgado.
Iginiit ng partido na walang warrant of arrest na inisyu ng Pilipinas laban sa dalawa.
“Should the Court hold that the warrant against Senator dela Rosa may lawfully be enforced, PDP LABAN will abide by that ruling: should it hold otherwise, we ask the government to do the same.”
“The petitions have since been pending for nearly six hundred days. The writ’s history in this Court during martial law reminds the nation what delay can cost,” sinabi pa ng PDP-Laban. RNT/JGC
