MANILA, Philippines — Nilinaw ng Department of Public Works and Highways (DPWH) na walang pondo sa 2026 budget para sa bagong flood-control projects.
Ang ₱2.49 bilyong alokasyon ay para sa Maintenance and Other Operating Expenses (MOOE) ng mga kasalukuyang flood-mitigation programs, kabilang ang Oplan Kontra Baha ng pamahalaan.
“These funds will support essential declogging, desilting, dredging, repair, and clearing operations to ensure the functionality of waterways and drainage systems nationwide as well as other maintenance requirements of existing flood control-related projects,” ayon sa DPWH.
Ayon sa ahensya, layunin nilang masulit ang pondo para sa flood mitigation sa kabila ng limitadong badyet.
Tiniyak ni Senate Finance Committee Chair Sherwin Gatchalian na “pork-free” ang 2026 budget. Sinabi rin ng Malacañang na isinasagawa ang masusing pagsusuri sa ratified General Appropriations Bill bago ito pirmahan ni Pangulong Marcos. RNT
