MANILA, Philippines – Natagpuang patay sa kanilang bahay sa Cagayan de Oro City ang isang 16-anyos na lalaki, isang araw matapos siyang pakawalan matapos makadakip dahil sa umano’y sangkot sa “rent-tangay” modus.
Nadakip siya sa Osmeña Street nang makita siya ng may-ari ng sasakyan, na inuulat na na-rent noong December 28, 2025 at hindi na naibalik sa napagkasunduang petsa. Gumamit umano ang suspek ng mga pekeng ID at natunton ang sasakyan gamit ang GPS. Nasira rin ang ilang accessories ng sasakyan.
Pinakawalan ang menor de edad matapos makipagkasundo ang may-ari at ang mga magulang ng suspek na babayaran ang pinsala at ang araw na ginamit ang sasakyan. Wala pang detalye ang pulisya tungkol sa sanhi ng pagkamatay ng binatilyo.
Pinayuhan ni Police Capt. Emilita Simon ng Cagayan de Oro City Police Office ang publiko, lalo na ang mga negosyante, na tiyaking kilalanin ang kanilang mga katransaksyon. RNT
