MANILA, Philippines – Arestado ang 83 dayuhan sa isang malakihang operasyon sa shopping mall sa Baclaran, Parañaque City, ayon sa Bureau of Immigration (BI).
Sa operasyon noong Enero 7, kabilang sa nahuli ang 68 Bangladeshi, 14 Chinese, at 1 Indian, kasama ang 2 babae.
Bagamat may ilang valid visas, lumalabag sila sa batas dahil sangkot sa retail trade na ipinagbabawal sa mga dayuhan.
Ayon sa BI, 18 sa kanila ay may tourist visas, habang ang pagkakakilanlan ng anim ay kasalukuyang ini-verify. Sila ay kakaharapin ang kaso sa immigration violations tulad ng undocumented stay, misrepresentation, at paglabag sa Republic Act 8762 o Retail Trade Liberalization Act, na nagbabawal sa dayuhan na magsagawa ng retail trade nang walang tamang pahintulot, kahit may visa.
Ani BI Commissioner Joel Anthony Viado, “The President has been very clear in his directive. Our immigration laws must be enforced firmly and without exception. Foreign nationals who abuse their stay and illegally compete with Filipino livelihoods will be dealt with accordingly.” RNT/MND
