MANILA, Philippines – Ayon kay Batangas First District Representative Leandro Leviste na ang mga dokumento ng yumaong DPWH Undersecretary Catalina Cabral ay “tip of the iceberg” lamang sa umano’y anomalya sa ahensya.
Inihayag niya na marami siyang hawak na ebidensya, at kung ilalabas niya ito, malaki ang magiging epekto sa bansa.
“There are many threats to me right now. The Cabral files I’ve released are just tip of the iceberg. I won’t release all the files, but the public would understand why I am the target of various personalities. And the more na nakikita ng taong bayan na tila may dahilan na nais ng iba na patahimikin ako,” saad ni Leviste.
“Huwag niyo ako patayin kasi kung papatayin niyo ako lalabas ang buong katotohanan ng ginawa ninyo sa DPWH,” dagdag niya.
Ang Cabral files ay naglalaman ng computer data at iba pang dokumento na diumano ay nagpapakita ng budget para sa government infrastructure projects ng congressional districts. RNT/MND
