MANILA, Philippines – Inanunsyo ng Polytechnic University of the Philippines ang temporary road closures malapit sa main campus nito sa Santa Mesa, Manila.
Ito ay kasabay ng pagdagsa ng 135,000 estudyante para sa PUP College Entrance Test (PUPCET) 2026.
Ang PUPCET 2026 ay idaraos ngayong araw, Enero 18, sa Pebrero 8, Pebrero 22, at Marso 8.
Sarado mula alas-5 ng umaga hanggang alas-6 ng gabi ang Anonas Street mula Nuestra Señora de Salvacion Parish hanggang Teresa Street sa nasabing petsa.
“Pinapayuhan ang lahat na magplano ng alternatibong ruta dahil no parking policy pa rin po tayo ha?” saad sa abiso ng PUP. RNT/JGC
