MANILA, Philippines – Muling bubuksan ng House committee on ethics and privileges ang kaso laban kay suspended Cavite 4th District Rep. Francisco “Kiko” Barzaga sa Martes, Pebrero 3, ayon kay panel chair JC Abalos.
Naipadala at natanggap ang notice ng pagdinig sa opisina ni Barzaga noong Enero 29. “We expect his attendance and full cooperation,” sabi ni Abalos.
Noong Disyembre 1, 2025, sinuspinde ang mambabatas ng 60 araw nang walang sahod matapos siyang mapatunayang guilty sa disorderly behavior kaugnay ng umano’y hindi angkop na social media posts.
Ayon kay Abalos, sumusunod ang reopening sa motion ng plenaryo at patitiyak na susunod sa House rules at due process.
Hinihiling naman ni Manila 2nd District Rep. Rolando Valeriano na palawigin ang suspension dahil sa patuloy na paglabag ni Barzaga sa House rules. RNT/MND
