MANILA, Philippines – Nakipagpulong si Meshari Yousef Muhammad Alnibari, ang Embahador ng Kuwait sa Pilipinas, kay Senador Raffy Tulfo sa isang courtesy call sa Senado sa Pasay City.
Sa pagpupulong, tinalakay ng dalawa ang kapakanan ng tinatayang 220,000 Overseas Filipino Workers sa Kuwait, kabilang ang mga panukalang itaas ang minimum wage para sa mga domestic worker na Pilipino, palakasin ang mga mekanismo sa pagsusuri ng mga employer, at tiyakin ang mas mahigpit na pagsunod sa mga kontrata sa trabaho upang lalo pang mapabuti ang proteksyon sa paggawa at ang ugnayan ng Pilipinas at Kuwait. CESAR MORALES
