Manila, Philippines – Kinumpirma ni House Secretary General Atty. Cheloy E. Velicaria-Garafil na ini-akyat na niya sa tanggapan ng speaker ng Kamara ang dalawang impeachment complaints na inihain laban kay Vice President Sara Z. Duterte gaya ng ipinag-uutos ng Rules ng Kongreso.
Ayon kay Garafil ang nabanggit na dalawang impeachment ay kaniyang naipadala na sa tanggapan ni House Speaker Faustino “Bojie” G. Dy III kahapon, Huwebes.
“Upon receipt and verification of the complaints and their accompanying endorsements, the Office of the Secretary General forwarded the documents to the Office of the Speaker for appropriate action,” ani Garafil kung saan idinagdag pa nito na ginawa lamang ng kaniyang tanggapan ang ministerial duty at administrative function nito na siyang nakasaad din sa Kunstitusyon.
Ang unang reklamo laban sa pangalawalang pangulo ay inihain ng Makabayan Coalition at inindorso naman nina Party-list Rep. Antonio Tinio ng Alliance of Concerned Teachers (ACT), Sarah Jane Elago of Gabriela Women’s Party, at Renee Louise Co ng Kabataan.
Kabilang sa Makabayan complainants ay sina dating Reps. Francisca “France” Castro, Arlene Brosas, Liza Maza at Atty. Neri Colmenares.
Ang ikalawang impeachment complain ay inindorso naman nina Party-list Representatives Leila de Lima ng Mamamayang Liberal at Perci Cendaña ng Akbayan na inihain ng ilang kinatawan ng progressive organizations at civil society groups.
Kabilang dito si Francis Joseph Aquino Dee, anak ni Viel Aquino Dee at apo nina dating Senador Ninoy Aquino, Jr. at dating Pangulong Corazon Aquino. (Meliza Maluntag)
