CAGAYAN DE ORO, Philippines – Hinihikayat ng lokal na archdiocese sa Cagayan de Oro ang mga parishioners na makiisa sa isang march rally sa Miyerkules, Pebrero 25, bilang paggunita sa ika-40 anibersaryo ng Edsa People Power Revolution.
Ayon kay Fr. Der John Faborada, pinuno ng Cagayan de Oro Archdiocesan Media Center, si Archbishop Jose Cabantan ang mangunguna sa rally mula sa Misamis Oriental Provincial Capitol hanggang Gaston Park sa harap ng Saint Augustine Metropolitan Cathedral.
“We encourage our parishioners to remember the courage of those who participated in the Edsa revolution. We must show them that we remain committed to that dream,” ani Faborada.
Ang rally ay magsisimula sa ganap na 1 p.m. at magtatapos sa isang Eucharistic Mass na pangungunahan ni Cabantan. Kasabay nito, ang Promotion of Church People’s Response (PCPR) sa Northern Mindanao ay magkakaroon din ng hiwalay na rally. RNT/MND
