MANILA, Philippines – Opisyal nang pinasa ng House Plenary sa House Justice Committee ang paghawak sa 4 na impeachment complaint laban kay Vice President Sara Duterte.
Ang hakbang ng House Plenary ay indikasyon na tapos na ang 1 year ban at maaarin nang muling isalang sa impeachment process si Duterte.
Ang House Committee on Justice ang syang magsasagawa ng deliberasyon kung papasa sa porma at sustansya ang inihaing impeachment complaint.
Inihain ng Makabayan Coalition ang unang impeachment case na inedorso nina ACT Teachers Party-list Representative Antonio Tinio, Gabriela Partylist Rep Sarah Jane Elago at Kabataan Partylistr Rep Renee Louise Co.
Ang ikalawang reklamo ay inihain ng mga progressibe at civil society groups na inendoro naman nina ML Partylist Rep Leila de Lima at Akbayan Partylist Rep. Perci Cendaña.
Ang ikatlo ay inihain ng mga pari, madre at legal practitioners, ito ay inerdorso din ni de Lima.
Ang ikaapat na reklamo ay inihain ni Atty. Nathaniel Cabrera na inendorso nina House Committee on Human Rights Bienvenido Abante Jr at Deputy Speaker Francisco Paolo Ortega.
Sa ilalim ng Saligang Batas ang Bise Presidente ay maaaring mapatalsik sa pwesto sa paglabag sa Constitution, treason, bribery, graft and corruption, high crimes at betrayal of public trust.
Samantala, sinabi ni Ortega na kumpiyansa sya na ang ikaapat na reklamo na kanyang inendorso ay lulusot sa pagbusisi ng House Justice Committee at tiwala din umano ito na hindi papadala sa pressure ang komite.
“Well, the Justice Committee nakita nyo kung pano i-handle ni Congresswoman Jinky Luistro ‘yung committe, so I don’t think maiimpluwensyahan o matatakot or mai-intimidate ‘yung committee as long as nandiyan at nakalatag ang mga importanteng facts tsaka pag-uusapan ‘yan, pagdedebatehan ‘yan dadaan sa committee level so due diligence, tsaka lahat ng kailangan na pag-uusisa dadaan lahat sa committee,” ani Ortega. Gail Mendoza
