BAGUIO, Philippines – Inihayag ng Tourism Infrastructure and Enterprise Zone Authority na available na ang dagdag na PHP300 milyon upang makumpleto ang PHP400 milyon na pondo para sa full rehabilitation ng Burnham Park sa lungsod.
“The whole amount was approved even before the pandemic. We just ran out of money because it was used for the coronavirus disease 2019 response,” sabi ni TIEZA COO at GM Mark Lapid.
Noong Oktubre 2025, nakapag-release na ang ahensya ng PHP100 milyon para sa rehabilitasyon, kabilang ang mga ayos sa children’s park, skating rink, at rose garden.
Kasama sa proyekto sa Burnham Lake ang pagtatayo ng dock, retaining wall, view deck, at pagsasaayos ng sidewalk na may benches.
Ani Lapid, “We can now see what was invisible before. There was a lot of mud inside (the park).” RNT/MND
