MANILA, Philippines – Naglabas ang Securities and Exchange Commission (SEC) ng listahan ng mga hindi awtorisadong online lending platforms (OLPs) sa Pilipinas nitong Huwebes.
Ayon sa advisory sa Facebook at website ng SEC, bawal sa mga nabanggit na OLP na mag-alok, magproseso, o magbigay ng pautang, alinsunod sa Memorandum Circular No. 10, Series of 2021 na nagpatupad ng moratorium sa mga bagong OLP simula Nobyembre 2, 2021.
Ilan sa mga app sa Google Play na hindi awtorisado ay Sofi Loan, Masaya Cash, Napaka Tala, Peso Funny, MoneyAccess, Cash Ease, at PesoMate-Fast Loans PH. Sa Apple Store, kabilang ang MocaMoca, Atome Loan, Mabilis Credit, Bee Pera, Tala Peso, Peso Loan, Tala CashPro, FacilCredit, Sigurado Cash, Micropinnacle Technology Corp., Tala Loan, Pesolending, MabilisCash, TalaCash, at Tala Pera.
Ilan sa mga hindi awtorisadong website ay FuseCash Lending Corp, Metacash, Cashcano, Andali Cash, Bilis Cash, PesoQuick, Tala Pera, KuhaCash, Huaxin Loan, Catchkash, Cash2go, Peroloan, Bee Pera, Valor Credit, Pagiram Cash, Fintastic Lending Corp, FIS Credit, Project Duo Events and Marketing Corp, Fake Megan Credit and Financing Corp, at Fake CAVITE TMC Lending Inc.
Hinimok ng SEC ang publiko na i-report ang mga ilegal na OLP sa pamamagitan ng hotline 14732, iMessage portal sa https://imessage.sec.gov.ph/, o sa opisyal na website https://www.sec.gov.ph.
Makikita naman ang listahan ng mga awtorisadong OLP dito: https://www.sec.gov.ph/lending-companies-and-financing-companies-2/list-of-recorded-online-lending-platforms/. Dave Baluyot
