Mayon nakapagtala ng minor strombolian activity

MANILA, Philippines – Naitala ang minor strombolian activity sa Bulkang Mayon nitong Sabado ng umaga, Marso 14.

Ayon sa Office of Civil Defense, ang strombolian explosion ay nagsimula 5:24 ng umaga.

Ang minor strombolian activity ay tumutukoy sa low-level, intermittent, at mild volcanic explosions.

“Manatili pong naka-alerto, laging mag-ingat, at sumunod sa paalala at babala ng mga awtoridad,” saad sa post ng Office of Civil Defense.

Nananatili pa rin sa Alert Level 3 ang babala sa Bulkang Mayon. RNT/JGC